அரிசி பருப்பு சாதம்

தேவையான பொருட்கள்:

புழுங்கல் அரிசி 2 கப்

துவரம்பருப்பு 1/2 கப்

வெங்காயம் 1

தக்காளி 1

பச்சை மிளகாய் 3

வர மிளகாய் 3

எண்ணெய் 2 அல்லது 3 மேசைகரண்டி

சீரகம் 1 டீஸ்பூன்

மிளகு 1 டீஸ்பூன்

கடுகு 1 டீஸ்பூன்

மஞ்சள்தூள் 1 டீஸ்பூன்

பூண்டு 4 பல்

கறிவேப்பில்லை சிறிது

தண்ணீர் 6 கப்

உப்பு தேவையான அளவு

செய்முறை:

• அரிசியை கழுவி கால் மணி நேரம் ஊற வைக்கவும்.
• பருப்பை கழுவி வைக்கவும்.
• வெங்காயம் தக்காளி பச்சை மிளகாய் கட் பண்ணி வைக்கவும் .
• குக்கரில் எண்ணெய் ஊற்றி காய்ந்ததும் கடுகு போடவும் .
• பிறகு வெங்காயம்,மிளகாய்,கறிவேப்பில்லை சேர்த்து வதக்கவும்.
• வதங்கியதும் தக்காளி போடவும். தக்காளி வதங்கியவுடன் தண்ணீர் ஊற்றவும்.
• இப்போது உப்பு மஞ்சள் தூள் போடவும். பின்னர் சீரகம்,மிளகு,பூண்டு மூன்றையும் அரைத்து போடவும்.
• தண்ணீர் கொதிக்க ஆரம்பித்தவுடன் அரிசிபருப்பை போடவும்.
• நன்கு கலக்கி குக்கர் மூடி போட்டு வெயிட் போடவும்.அடுப்பை சிறிது குறைத்து வைக்கவும் .3 விசில் வந்தவுடன் அடுப்பில் இருந்து இறக்கி விடவும் .
• பிரஷர் அடங்கியதும் மூடியை திறக்கவும்.
• அரிசி பருப்பு சாதம் ரெடி.

குறிப்பு:

சாதத்தில் நெய் கலந்து சாப்பிட்டால் சுவையாக இருக்கும் .
இது கொங்கு நாட்டு ஸ்பெஷல் .

இது மிக எளிதில் செய்யக்கூடிய சாதம்.